Isa 34 | ZomZIV | STEP | No minamte aw, hong naih unla ngai dih un; no mihingte aw, limtakin ngai un! Leitung le a sunga om khempeuh, lei pumpi le a sunga piang khempeuh zasak un;

Isaiah 34

Minamte Tungah Thukhenna

1 No minamte aw, hong naih unla ngai dih un;
no mihingte aw, limtakin ngai un!
Leitung le a sunga om khempeuh, ^a
lei pumpi le a sunga piang khempeuh zasak un; ^b
2 Minamte khempeuh tungah TOPA heh hi;
amaute’ galkapte khempeuh tungah thangpai hi.
Amah in amaute susia khin kiuhkeuh ^{▼▼34.2 Hebrew lai-ah TOPA} dinga;
amaute thah dingin pia ding hi. ^d
3 A kithat amau mite kilawnkhia dinga,
a misiluangte uh a uihto lualua ding hi. ^e
Mual liante amau sisanin kawt khin pikpek ding hi.
4 Vante a aksite khempeuh kia dinga ^f
laizial bangin vanpi a kizial ding hi; ^g
Lenggui pana a tehvul a pulh bang le
theikung pana a gahvuai a pulh bangin
aksi honpi khempeuh kia ding hi. ^h
5 Ka namsau in vante ah dawnin kham khin a; ⁱ
en un, a mite ka siatsak kiuhkeuhsa Edom ah
thukhenin a tuaksuk hi. ^j
6 TOPA namsau sisan ah kidiahin, ^k
tuunote le keelte sisan le
tuutal kalte pana
a thaute in a kituam hi.
Ahang in, TOPA in Bozrah ah kithoihna khat nei a, ^l
Edom ah kithahna lianpi a om hi. ^m
7 Gam bawngtalte, bawngtalnote le
bawngtal lianpite amau tawh a pukkhawm ding hi. ⁿ
Amaute leitang sisanin kawt dimdem dinga
sathau in leivuite a tawtkim ding hi.
8 Ahang in, TOPA in Zion mawhsakte a thuksak ding,
dan a tuahsak ding kum khat, a phu lak ding ni khat a nei hi. ^o
9 Edom luite kultar suak dinga,
a leivuite kaat kuanglai suakin;
a leitang kultar kuang a suak ding hi.
10 Sun le zanin mit lo dinga
a khu tawntung ding hi.
Khang khat pan khang khat dongin gam simtham suak dinga khat beek in
a tawnkha nawn kei ding hi.
11 Sehnel-gam simbu ^{▼▼34.11 Hih vasate a cihnopna lian kician lo hi.} le simbupi ^{▼▼34.11 Hih vasate a cihnopna lian kician lo hi.} te in a tang ding uh hi.
Simbu liante ^{▼▼34.11 Hih vasate a cihnopna lian kician lo hi.} le va-akte in
tua lai-ah bu a tom ding uh hi.
Pasian in Edom tungah a siatna khausai le
a hawmsuakna saval a khaisuk ding hi. ^s
12 Kumpi gam a kicih theih nadingin a uliante in bangmah nei lo ding uh a,
a kumpi tapate uh a mangthang khin ding hi. ^t
13 Amualbote thangling in tuum dinga
a kulh muanhuaite lakhai le lingvom in a tuum ding hi. ^u
Tua mun, ngiate anzonna mun suak dinga,
simbute’ bu suak ding hi. ^v
14 Sehnel gam ganhingte le ngiate kisutuahin
sathakte khat le khat a kizawn ding uh hi; ^w
tua lai-ah zana gamta ganhingte zong giak ding uh a, ^x
a khawlmun ding uh a zong ding uh hi.
15 Simbupi in bu tomin tui dinga,
keuhsakin a note a kha liim nuai-ah a kem ding hi.
Musite zong tua lai-ah
a nupa kopin a omkhawm ding uh hi. ^y

16 TOPA laizial sung en inla sim in: ^z

Hihte khat beek kimansuah lo dinga
lawmsam khat beek a om kei ding hi.
Ahang in, ama kama a thupiaksa hi a,
a Kha in amaute a kaikhawm ding hi. ^aa
17 Amah in a tanh ding uh a sehsak ding hi; ^ab
ama khutin amau tanh ding ciat a hawmsak ding hi.
Amaute in nei tawntung ding uh a,
tua lai-ah khang khat khit khang khat a teng den ding uh hi.